منوعات

“لو أنتا دفعة أولى ومستني مركز تدريبك”…نقدم لك 49 نصيحة قد تكون مفيدة

“لو أنتا دفعة أولى ومستني مركز تدريبك”…نقدم لك 49 نصيحة قد تكون مفيدة

“لو أنتا دفعة أولى ومستني مركز تدريبك”…نقدم لك 49 نصيحة قد تكون مفيدة، يعتبر التقديم للخدمة العسكرية الخطوة الأولى التي يقوم بها جميع أبنائنا الخريجين من مختلف الجامعات المصرية.

“لو أنتا دفعة أولى ومستني مركز تدريبك”…نقدم لك 49 نصيحة قد تكون مفيدة

فبعد ظهور النتيجة مباشرة وتقديم الأوراق المطلوبة للحصول على شهادة التخرج المؤقتة، يبدأ السباق مع الزمن لتقديم الأوراق المطلوبة فى مكتب التجنيد التابع له الشاب المتخرج.

“لو أنتا دفعة أولى ومستني مركز تدريبك”…نقدم لك 49 نصيحة قد تكون مفيدة

وكما هو معلوم لدينا أن التقدم بأوراق التجنيد ينقسم إلى مرحلتين والمعروفة أيضاً باسم “الدفعة”، تحدد بناءاً على شهر الميلاد، فمواليد شهور يناير إلى يونيو يكونوا دفعة أولى ويتطلب منهم التقديم من الفترة 20/7 إلى 20/8 من نفس سنة تخرجهم.

أما من مواليد شهر يوليو إلى مواليد شهر ديسمبر يكونوا دفعة ثانية ويسمح لهم بالتقديم من الفترة 1/10 إلى 15/10 من نفس سنة تخرجهم أيضاً، ومن يتأخر عن موعد تقديمه يتم تاخيره إلى الدفعة التي تليه وبالتالى يتأخر أيضاً داخل مركز التدريب وتزيد مدة خدمته.

“لو أنتا دفعة أولى ومستني مركز تدريبك”…نقدم لك 49 نصيحة قد تكون مفيدة

ويتنظر مقدمي الدفعة الأولى فى هذه الفترة سماع السلاح الذي سوف يقوموا بالخدمة فيه وذلك خلال يوم معين تقوم بتحديده منطقة التجنيد التابعين لها، ومن ثم يقوموا بالترحيل إلى مراكز تدريبهم فى اليوم التالي أو أى يوم آخر على حسب ما تقرره منطقة التجنيد.

“لو أنتا دفعة أولى ومستني مركز تدريبك”…نقدم لك 49 نصيحة قد تكون مفيدة

فإذا كنت من هؤلاء، مقدمي الدفعة الأولى، فنقدم لك 49 نصيحة أمكننا أن نأتي بهم إليك من خلال تجربة من سبقوك وخاضوا هذه التجربة، تجربة مركز التدريب، حاجات تجيبوها وأنتوا رايحين مركز التدريب:

فلوس (انتا اللي هتحدد مصاريفك ممكن تمشي نفسك ب500ج وممكن تصرف 3000 ج بس خليك فالمعقول وخد معاك 800ج).

  1. ادوية للبرد – الكحة – الامساك – الاسهال – استحلاب للزور -الصداع – مرهم للكدمات – مسكن.
  2. 3 اقفال كومبيوتر يكونوا نضاف عشان ميتكسروش و يكونوا حجم متوسط بلاش الكبير عشان مش هينفع.
  3. غيارات داخلية.
  4. بودرة رجلين.
  5. مزيل عرق.
  6. فرش جزمة طبي هتلاقيه ب 10 جنيه تقريبا من عند اي ورشة جزم هيفيدك عشان البيادة ناشفة.
  7. مكن حلاقة علي قد ما ربنا يديك و بلاش جيليت بلو 3 مش هتنفع معاكوا خليكوا في جيليت بلو 2 و هاتوا الكيس الكبير تقريبا هتحلقوا مرة كل يومين لو دقنك خفيفة و لو تقيلة كل يوم.
  8. يستحسن لو فووم حلاقة او جيل عشان تنجز بدل كريم الحلاقة و الفرشة و هات افتر شيف عشان التهابات بعد الحلاقة.
  9. فرشة سنان و لو مش بتغسل سنانك هتغسل في الجيش.
  10. معجون بقي عشان فرشة السنان.

    “لو أنتا دفعة أولى ومستني مركز تدريبك”…نقدم لك 49 نصيحة قد تكون مفيدة

  11. معلقة و دي حاجة مهمة جدا عشان الاكل و دايما حافظ عليها و سيبها في جيب الافارول عشان متنسهاش لو دخلت الميس (المكان اللي بتاكلوا فيه) من غيرها هتضطر يا تقوم يا تاكل بالكارنيه.
  12. خرطوم متر عشان الحمام بس لو عايز الاحسن لان احيانا بيمنعو دخول الخراطيم في شطافة بتتباع عشان الناس اللي بتسافر اسمها فريش باز سعرها 110 جنيه موجودة في الصيدليات الكبيرة زي العزبي هتنفعك خصوصا لما تكون المية مقطوعة و دا العادي يعني بس خليها دايما مليانة و خلي معاك ازازة مية شايلها للاستخدام في الحمام في دولابك و متقلقش محدش هيقول عليك فرفوور لان في الاغلب هيفكروها زمزمية.
  13. ليفة عشان تستحمي.
  14. صابون و صبانة بغطا و شامبو اكياس عشان تستخدم مرة و ترمي.
  15. فوطة و سيبك من الفوطة اللي هيسلموهالك.
  16. اربطة جزمة بيج عشان لو رباط البيادة اتقطع.
  17. ممكن تاخد معلبات بس مش كتير و ممنوع تماما الاكل العادي طالما مفيش عليه صلاحية مش هيدخل.
  18. هتحتاج يبقي معاك سندوتشات كتير عشان يوم الترحيل طويل تقريبا اطول يوم ف جيشك.
  19. شريحة خط موبايل و تكون مشحونة عشان لو عرفت تسلك نفسك و تقفش موبايل من عسكري قديم تتكلم منه لو معرفتش بيبقي في كباين يتليفونات و بيتباع كروت شحن بتاعت مرحبا بس احتياطي تقدر تشتريه من اي سنترال المصرية للاتصالات بيبقي ب 10 جنيه.
  20. ممكن تاخد معاك موبايل صغير من غير كاميرا تخليه معاك بحيث لما تترحل تطمن اهلك بس اول ما تترحل مركز التدريب و يقولوا اللي معاه موبايل يسلمه في الامانات سلمه عشان لو اتقفش منك في التفتيش هيتكسر قدامك ,, الميزة هنا ان لما تيجي تمشي من مركز التدريب و رايح القوة الاساسية بتاعتك هيبقي معاك الموبايل و تقدر تسلكه بقي بس بالطريقة.

    “لو أنتا دفعة أولى ومستني مركز تدريبك”…نقدم لك 49 نصيحة قد تكون مفيدة

  21. لما تيجي تحلق احلق علي 1 او نص مش اقل عشان متبقاش زي المساجين ولا اكتر عشان متضطرش تحلق في الجيش بالمكنة بتاعتهم.
  22. اكياس اريال الصغيرة عشان هتغسل بإيديك هناك.
  23. قصافة.
  24. وايبس و ديتول.
  25. كشاف صغير عشان الدنيا بتبقي ضلمة بليل في العنبر بيتباع ب 2.5 في المكتبات.
  26. ساعة تكون بتنور بردو عشان كل حاجة هناك بمواعيد.
  27. شرابات و نصيحة بلاش تلبس الشراب الميري ولا يووم و الاحسن لو شراب كوتينيل تقيل و طويل عشان رجلك متتعورش في البيادة.
  28. شبشب و يفضل يكون كروكس مقفول من الجناب عشان لو الحمامات فيها مية ع الارضية ولا حاجة.
  29. دوبارة تعلق فيها المفاتيح عشان هيدوك سلسلة بتجيب تنيا مع العرق.

    “لو أنتا دفعة أولى ومستني مركز تدريبك”…نقدم لك 49 نصيحة قد تكون مفيدة

  30. محفظة بسوستة تشيل فيها حاجتك و خليها دايما معاك في جيبك و متعرفش حد انت واخد معاك فلوس قد ايه.
  31. مراية صغيرة عشان لو الحمامات زحمة تعرف تحلق دقنك ..بس خلي بالك ساعات مبيدخلوهاش عالبوابة فحاول تسلكها.
  32. لما هتدخل هتعرف مصطلحات جديدة زي ميس و كحوول و جيشك حلبة و مستجد و رديف و جراية و زريير و سيكا و اخر واحدة دي الاسم اللي بيطلع علي اي حد اجازاته مستريحة فمتخدش ف بالك.
  33. قبل ما تروح هتبقي واخد فكرة ان كل الناس اللي هتقابلهم حرامية و كله بياكل في بعضه دي مش حقيقة بس بردو تاخد احتياطك و اوعي تسيب حاجتك برة دولابك.
  34. هتقابل ناس جدعة جدا و من كل حتة و هتبقوا صحاب بدون مصلحة و انتوا ف مركز التدريب فبلاش تاخد جنب و متعرفش حد بس بردو اختار اللي تقعد معاهم و خلي المقياس الوحيد الرجولة مش دا منين و دا مؤهل ايه.
  35. بلاش تشيل كذا شنطة و انت رايح مركز التدريب عشان هتبقي مش عارف تشيلهم ولا تشيل المخلة ولا تشيل البطاطين.
  36. لو داخل الجيش في الشتا ابقي هات معاك دفاية تحطها تحت البطاطين بتاعة الجيش عشان البطاطين مبتدفيش لوحدها.
  37. هتلاقي دايما في حكاية ان في جن و عفاريت ف العنبر و الحمامات كبر دماغك دي حكايات.
  38. علاقتك بالتونة و الجبنة هتبقي علاقة مش هتتكرر بعد متخرج من الجيش فحاول تحبهم لو مبتحبهمش.

    “لو أنتا دفعة أولى ومستني مركز تدريبك”…نقدم لك 49 نصيحة قد تكون مفيدة

  39. البس حاجة مريحة و انت رايح يوم الترحيل عشان هتقعد كتير و حافظ عليها عشان لو نزلت اجازة في مركز التدريب.
  40. ابقي ادخل الحمام بليل عشان مفيش وقت الصبح و هتلاقيه زحمة.
  41. لو كباين التليفون علي طول عليها ناس و مش عارف تتكلم استني لما كلو ينام و اصحي الساعة 1 او 2 و اتصل براحتك.
  42. اما تروح وحدتك الاساسية اول حاجة تعملها تسأل العساكر القديمة عن كل حاجة ماشية ازاي في المكان بتاعك عشان تبقي عارف تعمل ايه.
  43. لو بتعرف كومبيوتر اول ما تروح دور علي العساكر بتوع الكومبيوتر و اتصاحب عليهم عشان ياخدوك معاك المكتب لان المكاتب اريح مكان في الجيش.
  44. و انت ف مركز التدريب بييجي مناديب من الاسلحة ياخدوا ناس ابعد تماما عن بتوع الصاعقة و المظلات و القوات الخاصة قولهم انك مكسح.
  45. نصيحة بقي للي لسة هيقدم و لسة مراحش كشف طبي لو طلعت بعد الكشف الطبي مكان اسمه الانتقاء و التوجيه هيسألوك انت فيك حاجة قولهم اي حاجة عشان مياخدوكش عشان دول بيودوا علي حرس حدود و صاعقة و قوات خاصة علي طول.
  46. لو عندك شكوي طبية حقيقية متفقدش الامل و متتكسفش عشان في ناس بتطلع ف افضل اعمل تظلم و متكسلش.
  47. متخليش اي حد يضايقك ف مركز تدريب لان دوسيهك بيكون مقفول و بتتحاسب اول ما تروح القوة الاساسية بس.

مقالات ذات صلة

اترك تعليقاً

زر الذهاب إلى الأعلى